LAS MUYERES ASTURES.

Nel sen de las tribus Astures de l’dá del Fierro englobaes na cultura céltica castreña, las muyeres como nos falan las fontes antiguas, tienen una importancia máxima no referente a las condiciones del funcionamientu del poblau ya nas tomas de decisiones de la vida diaria ya tou eḷḷu a pesar de que los restos arqueolóxicus resulten enforma escasus. Ye’l xeografu griego Estrabón’l que nos amosa per claru como son: las muyeres Astures son robustes ya bregadas, ya ḷḷegan a dar amuesas de per valientes averaes igua a los omes, l’aspeutu físicu só ye de ḷḷargas cabeḷḷeras nos que a vegaes ponen tocaus pa amosar al clan que pertenez.

L’atuendu femenin tá representau pel sayu prietu, que delles vegaes ponen-y flores, poroesti sayu usanlu igua omes ya muyeres, feichus de xuru de ḷḷana de oveḷḷas xaldas, equí Plinio’l Vieyu enquivocase al mentar a las oveḷḷas merinas.

Hay constancia que tantu omes como muyeres usaben pieces d’orfebreria como torqués, brazaletes, colgantes, fibulas, etc.

Con tou la muyer, como l’ome, de las tribus Astures ḷḷevaban una vida per cencieḷḷa y’aústera, guetando la supervivencia per enrriba de tou, repartiendose las ḷḷabores colos omes, como la recoleición de frutos ya frutas (beḷḷota, castaña, mazanes, etc) ya asina tamién nuna aniciante agricultura ya ganaderia, como nos lu marca Silio Itálico.

Per outru llau, na produción destas sociedaes Astures, los omes ya las muyeres facien actividaes rellaciones cola guerra yal bandolerismo a pueblus vecinos como Turmogos, Vacceus, Vettones o Llusitanos, cuando yera perclara la so supervivencia.

No que refierese a la mineria indixena pa llograr los metales pa la facienda d’aperus ya xoyas, la muyer caltuvo un papel trascendental lo mesmu que los varones.

De tou lo falau enantes servirianos de base pa caltener una organización na que la muyer tenía una preminencia per destacá, como nos lo amuesa Estrabón, nel senu de la sociedá Astur con una cuestión rellacioná col matriarcau, la preeminencia femenina hay que considerala (anque a munchos yos disguste) como un reximen de matriarcau nel sen estriutu della pallabra, heredau d’únas normativas societarias remontadas a l’Edá del Bronce, a los tiempus del Neolítico, ya tamién a las sociedaes cazadoras-recoleutoras del Paleolítico, averaes a la agricultura recoleutora ya matriarcal ya tamién a una ganaderia treshumante, asina muestranoslu los restus atopaos nas cuevas de la Cordiḷḷera Cantábrica de pastores de zonas llindes al Dueru ya de la rexión tresmontana.

Ente los apuntes daos por Estrabón solos Astures apaecen datos per significativos de la sociedá castreña: 1) yera l’ome el que dotaba a la muyer, 2) l’herencia tresmitiase per llinea femenina, al ser las muyeres las que tenien más pesu nel entornu familiar, 3) yeren las muyeres las encargaes de guetar ya concertar las parexas de los sos hermanus, 4) yeran tamién las muyeres las que lluchaben averaus a los omes nas refriegas ya pillaxes con otras tribus ya clanes (que yeren enforma habituales).

Nel día de güei, sieclu XXI, abondas familias del terren Astur na Maragateria ya zonas averaes a la cordiḷḷera entobia se rixen pol matriarcau. 

 

D’outru testu d’Estrabón, poro nel mesmu contestu familiar, surxenos una cita del griegu d’una prautica ancestral conocia como Covada, ya que consistía en que las muyeres, dempués de parir cedían el llechu a las sos parexas, que ḷḷucabanse nos camastros, eḷḷos ponianse nel so ḷḷugar aniciando a glayar talmente como si foran eḷḷos mesmus los que parieran, yeran estos omes los qu’endelueu encargabanse del cuidau de las criatures recién nacias, ye de xuru qu’esta costume de las poblaciones Astures ye dalgún ritu surxiu nel paso de los tiempos antiguus ya nel qu’el matriarcau yera una constante.

Nun debemos escaecenos qu’estes situaciones de la mesma naturaleza qu’avanzarian ente sociedaes abondu distintas ya distantes ente sí, poro correspondense so las que tienen un grau de primitivismu abondu.

Puntos clave: Matriarcau, la Covada

Fonte: Estrabón, el xeografu griegu

P’EDITAR