ASTURES ESCONTRA ROMA

Nel añu 27 e.d.n.e. ( Enantes De Nuesa Era) los Astures frenaban la marcha d’Augusto nel so intentu d’apoderase de tou’l noroeste Ibéricu, nesi añu 27, a finales, de xuru fala Floro taba toa l’Iberia pacificá menos la parte que bañaba’l mar pela zona de los Pirineus, no que güei ḷḷamase la Cordiḷḷera Cantábrica, de xuru diz Floro eḷḷí vivian dos naciones poderosas, los Astures ya los Cantabros, que movianse llibres del xugu del imperiu romanu.

Statilio (añu 29 e.d.n.e.)

Dos añus enantes, nel 29 e.d.n.e. las avanzaes de las lexiones romanas ya tuvieron que veselas escontra los barbarus Astures ya Cantabros que sufitaban a los Vacceos, Turmogos, Vetones y’Autrigones a los que Roma queria someter.

Augusto (añu 27 e.d.n.e.)

Tamién’l rematar l’añu 27 ḷḷega Augusto a Tarragona, eḷḷí entamase’l consulau, nel primeru de xineru del añu 26 enantes de nuesa era, yal mesmu Augusto vá dirixir las guerras escontra los Astures ya Cantabros que taben atacando a las tropas romanas na zona del Dueru. Pa eḷḷo, Augusto, dispón de dos exercitus, unu con tres lexiones de la Tarraconense yal outru de Lusitania con outras dos lexiones pelo menos (munchus hestoriadores falen de xuru que los romanos ḷḷegaron a tener nesta guerra diez lexiones más las tropas auxiliares). Tien como legaus a Antistius Vetus gobernador de la Bética, ya Publius Carisius gobernador de Lusitania.

Floro ya Orosio falan de l’asientu d’Augusto al llau de la capital de los Turmogos, Segisamo (Sasamón) eḷḷí estremóu los exercitus en tres columnes colas lexiones I augusta, IIII Macedónica ya la VI Victrix qu’entaman camin pa lluchar colos Cantabros yal exercitu de Lusitania que vá combatir a los Astures colas lexiones X Gémina, la V Alauda ya toes las tropas auxiliares.

Los Astures ya Cantabros nun presentaron bataḷḷa nel campu abiertu sinón que facian guerriḷḷas y’emboscadas que los romanos nun lleran parar, esta forma combatir dabayos bonos resultaus a los barbaros astures ya cantabros, poro Augusto tenianlu llocu, porque enzancaban a las tropas romanas poniendolu en bretes con munchas perdias de soldaos, antemanabanse nos riscus de las penas enantes que ḷḷegaran los lexionarius, sosprendianlos con emboscaes nos vaḷḷes ya bosques. Esti panorama ya outras “dolencias” nun-i sentaron ná bien al Augusto, ya punsuse malu, asina qu’entamó viaxe pa Tarragona a invernar ya curase.

Antistio (añu 26 e.d.n.e.)

Pa los Cantabros la guerra camudó namás quel legau de la Citerior tomó’l mandu, agora atrevense a presentar bataḷḷa nel campu abierto ya las derrotas cantabras van de siguiu: vitoria romana en Vellica (citá por Ptolomeo, probable Vilegia) fuxida de los cantabros’l Monte Vindio, nos Picus d’Europa, onde falaben de qu’enantes ḷḷegaba l’agua del mar eḷḷí que las armas de los romanos, tuvieron que rendise pola fame, conquista de Aracilium (Aradillos, Campoo d’enmedio, Cantabria).

Carisio (añus 26-25 e.d.n.e.)

Mientres estu tá pasando, nel territoriu astur caltienense las incursones a las avanzaes que s’atreven adentrase nél, nas zonas ḷḷindes col terren Vacceo o Turmogo, esta ye la estratexia de los romanos tener los Astures ocupaos mientras eḷḷos masacran a los Cantabros.

Na primavera del añu 25 las tribus Astures Cismontanas ya Tresmontanas xuntanse nun gran exercitu ya baxan de los montes nevaus, primeru asientanse nos sos campamentos al llau del riu Esla con la intención llueu d’atacar,en tres columnas, los tres campamentos d’iviernu de los romanos.

Las veras del Esla (¿Astura?) nun taben someties entobia a las fuerzias romanas porque neḷḷa taban las ciudades ya poblaus más importantes de los Astures, sicasi los Brigaecinos (Tribu Astur) de la rexión de Benavente van a delatar a Carisio l’ataque proyeutau pelos Astures, ya dió-i tiempu a los romanos a ḷḷegar nel sufitu de los sos campamentos, Carisio debió sorprender conas sos tropas’l flancu o la retaguardia de los Astures cuandu estos ya taben llanzaus escontra los campamentos romanos. Las lluchas foron muy duras poro’l final l’exercitu astur foi derrotau ya los que pudieron refuxaronse na ciudá de Lancia, que yera según floro la ciudad más poderosa de los Astures.

Alriodiada Lancia polos romanos de Carisio, llucharon los Astures con tal impetu que los lexionarius querian prende-i fueu ya pasar a la población polas armas, una vez capituló.

Nun hay constancia de que Carisio siguiera atacando posiciones Astures nesta campaña.

Lamio (añus 24-23 e.d.n.e.)

Taben los Astures aparentemente tranquilus ya pacificaus, cosa ná más lexus de la realidá, cada vez que vian un romanu diban pél ya daban-i estopa a degüeḷḷu.

Nesti tiempu noman legau de la Citerior a Aelius Lamia, que más tarde foi senador romano ya del que falabase qu’habia incinerau vivo al so pá, ya deciase que yera descendiente del rei fundador de Roma ya mienbru d’una de las fortunas romanas del so tiempu. Esti legau manda unas cohortes a recoyer el trigo que yos ufiertarun los Astures nas veigas del Orbigu yal Esla, yera una trampa, los barbarus dieron bona cuenta de los lexionarius, ya mandaron-i unas cabezas al legau. Esti tomolu a mal ya respondioyos prendiendo fueu a los campos ya castrus ya cortandoyos las manes a los que cayian presos, l’escenariu destos fechus debió estendese ente las tribus enemigas de los Astures porque los carietes ya vennenses (Vizacaya, Euskadi) nomaron a Lamio patrón de los sos pueblus.

Carisio (añus 22-20 e.d.n.e.)

Los Astures vuelven rebelase nel añu 22, según fala Dión Casio, que nun aguantan la crueldá y’atrevencias de Carisio, esta vez los romanos nun son sofocar la revuelta ya pidin sufitu a Furnio qu’acaben de vencer a los Cantabros, Esti cuerre nel sufitu de Carisio que taben comprometius enforma, esti sufitu vienu ḷḷega-i a Carisio providencial nas tierras augustanas que yera’l teatru prencipal de las guerras escontra los romanos, fast’agora nun se tien noticia de combates más aḷḷa de la Cordiḷḷera, Dión Casio acusa a Carisio de muncha crueldá colos Astures nel tiempu que tuvo de gobernaor fasta’l añu 20 Enantes De Nuesa Era.

Agripa (añu 19 e.d.n.e.)

Sublebaronse los Cantabros ya los Astures que taben presos ya esclavizaus polos romanos, dieron-y muerte a los sos opresores ya volvieron a cá pa siguir con las lluchas que nun habien parau en tou esti tiempu, estu ye lo que nos fala Dión Casio. L’aguantadera indixena foi desesperá, porque los romanos naguaban pol final de la contienda. Pa solventar estu mandayos al xeneral más curtíu ya más valorau nel imperiu, Agripa, que nombraranlu proconsul de toes las provincias imperiales.

Lo más ceo que tuvo que facer Agripa ná más ḷḷegar foi ḷḷevantais la moral a los lexionarios que venian de perder tous los enfrentamientos colos Astures ya Cantabros, endelueú mando xuntar una escuadra barcos de guerra nel golfu d’Aquitania pa coḷḷer a los indixenas pela espalda, parez qu’el desembarcu fizose nas costas de l’actual Santander, dende eḷḷí domino a los Cantabros poro nun lo fizo colos Astures qu’echaronse outra vez a los montes, estu ye lo que nos cuentan Floro ya Orosio: “Además las partes ulteriores de Astyria, cubiertas de bosques ya montes fasta la mar foron sometidas por Antisito ya Furnio” cousa poucu probable nel tiempu ya que nesi añu nun taben n’Iberia, nin ún nin outru.

Silio Nerva (añu 19-17 e.d.n.e.)

El relatu del asediu del Monte Medulio ye per bon exemplu de la llucha desperada de los Astures nún riscu sol riu Miño (o Sil, como afirmen munchos hestoriadores) onde habien quedao zarraus enforma xente Astur que nun llograran romper el rodiu qu’habian fechu los romanos, nos detalles de los fechos asemeyan los escritus de Floro ya Orosio.

Al paecer las lexiones romanas alrodian el Medulio con dellos campamentos nun dexaban salir nin entrar una febra, quince millas media’l cercu, señalan las fontes, naguaban pela rendición poro los Astures prefieren la muerte enantes qu’el sometimientu ya l’esclavitú:

“Tuvo ḷḷugar per último l'asediu del Monte Medulio, que foi alrodiau per un fosu continuo de quince millas, avanzaron los romanos per toes partes al mesmu tiempu y'aqueḷḷos barbarus al ver ḷḷegau el fin de la so resistencia, a porfia danse muerte conel fueu ya'l fierru, en d'una xinta, con un veneno qu'eḷḷi estraese del texu, llibrandose asina la mayor parte de l'esclavitú qu'una xente fasta entós indomita pareciales más intolerable que la muerte”.

Nun se sabe de xuru nin onde yera’l ḷḷugar nin cuantu tiempu aguantaron l’asediu, Orosio diz que tabe nel nacimientu del riu Miño, poro nun ye ná probable ya d’equí bien la controversia de la "LA POSTRERA BATAḶḶA DE LOS ASTURES" unus dizin que foi en terren de los Cantabros, outrus que nel terren Galaicu, outru ḷḷevanlu más abaxu entobia, a la Lusitania, outrus que p’enrriba Numancia, nos dend’equí vamos dala nuesa opinión: Los Astures taben nel terren Astur (Astyria) porque yera lo que meyor conocien, naguaban polos riscus que yos daban seguridá escontra las lexiones, de xuru que quedrien pasar la cordiḷḷera ya refuxiase en terren tresmontanu, poro lo más probable ye que nun yos diera tiempu ḷḷegar. ¿Per onde diban pasar? Pel camin de La Mesa, Ḷluna, Omaña, Ḷḷaciana, pa recabar na Babia, na Cueta (Babia) tál ñacimientu del Sil, arranca’l camin de La Mesa ya tien dellos sitius extratéxicus como Torre de Babia, Torrebarriu ya solmanera el Picu’l Castru de Torrestiu, por nun falar del Altu La Mesa cola Fonte ya la Ḷḷaguna los Güesus, pa pensar…..

Dion Casio señalza a Silo Nerva como legau de las lexiones que participaron nos fechos del Monte Medulio, tamién nos diz que los fechus del Medulio foron los más importantes nas guerras de Roma n’Iberia que nun hay ná comparable col asediu del Medulio ya que las guerras colos Astures siempre foron las más sangrientas ya las más costosas economicamente pa Roma.

Sextio Quirinalis (añus 16-14 e.d.n.e.)

Los ataques y'acosu a las tropas romanas de xuru foi una constante nos añus siguidos al fechu del Monte Medulio, falanos d'eḷḷo Dion Casio onde situa'l legau Sextio Quirinalis, nun ye desacertau pensar dalgún desembarcu nas costas del terren Astur, n'alrodiu de Noega, ciudá Astur nomada ya pelos xeografos griegus facia abondu tiempo.

Augusto (añu 15 e.d.n.e.)

Qu'Augustu torna a la Península nel añu 15 suxuerilu'l Monumentu d'Ancira (Templu d'Augusto, Ankara (Turkia) que diz nél: “…..Colonias in...... utraque Hispanya deduxi....”, tamién Floro señala la so presencia nel Noroeste, nos sos escritus bien dizinos que “desaloxan a los naturales de las alturas pués l'enemigo taba faciendose fuerte outra vez nos ḷḷugares farovables , onde tenia feichu alzacres enforma fuertes a yos que prendía fueu enantes de rendise.

Solos Astures (tiempu dempués)

Las escavacioenes arqueolóxicas tán amosondu que la guerra nun remató ehí, nin las bataḷḷas, nin las escaramuzas, dinos mentanto que los campamentos romanos yeran atacaos en tou'l ḷḷargor del Camin de la Mesa ya tamién na Carisa, pa caltener la so indepencia ya llibertá nun duldaron en batise escontra romanos, nun duldaron tampoucu escontra los suevos a los que nun dexaron aḷḷugase nel so territorio, llucharon colos godos ya los arabes pa siguir calteniendu esa indepencia ya llibertá, fasta'l tiempu de Belay, l'últimu xefe nomau pelos Astures. Poro esu ye outra hestoria.