FONTES ANTIGUAS SOLOS ASTURES.

Dende vá más d’un sieclu los hestoriadores vienen estudiandu a los Astures pol descocimientu que tenian desti pueblo norteñu, por la singularidad de su forma de vivir ya tamien por la rebeldia ya dureza qu’entamaron nas guerras escontra l’opresión romana, ya que, aparentemente, zarran la conquista d’Iberia. Dende abondu’l tiempu munchos investigadores punsieronse’l estudio de los Astures en tous los campos xeografía, hestoria, etnia, sociedá, etc.

 

Nesti apartau vamos centranos no que nos dexaron los escritores antiguos nos textus:

Estrabón.

Los galaicos llimitan pel este con el pueblo de los astures ya los celtíberos; el resto (vettones, vacceos y carpetanos) celtíberos.

Nel interior del país qu’estiendese per encima, refierome’l situau dientro de los montes

Pirineos ya de la parte norte fasta los astures, tá llimitau principalmente por dos cordilleras.

“Los celtíberos”…….. tán llimitaos per los barduetas, ya los qu’agora ḷḷamanse bárdulos.

Pel oeste tán llimitados per algunos de los astures, de los galaicos ya vacceos ya incluso per unos poucos de los vettones ya carpetanos.

El resto, que ye la mayor parte d’Iberia, tá baxu’l llegau consular que tien baxu’l so mando un exército considerable d’alrodiu de tres lexiones y tres llegaus: d’éstos, uno con dos lexiones guarda tou’l territorio situau’l otru llau del Dueru pal norte, a los sos habitantes antes ḷḷamabaseyos llusitanos y’agora galaicos; a eḷḷos unenseyos las montañas septentrionales con inclusión de los astures y cántabros. Al tres de los astures cuerre’l río Melsos ya un pouco más lexos tá la ciudad de Noega, dende muy cerquina, un estuariu de l’océanu dixebra a los astures de los cántabros.

Tous los montañeses son sobrios, beben agua, duermen na tierra ya dexan los sos pelos ḷḷargos ya sueltos según la costume de las muḷḷeres anque cuando combaten ponense na frente una banda. Xeneralmente xintan carne de machu cabríu ya sacrifican a Ares un destus animales, prisionerus y tamién caballos, facen hecatombes de cada especie’l modo griego, tal como diz Pindaro: «de tou sacrifican en númberu de cien»

Facen xuelgus de clas ximnástica, millitares ya carreras de caballos, facen tamien puxilatus, carreras ya combates tantu de guerriḷḷas o formación per manípulos. Los montañeses alimentanse con abiyotes dos partes de l’añu, dexándolas secar ya machacandollas; lueu muelenlas ya facen pan con eḷḷas pa conservalu ḷḷargo tiempo. Tamién beben zitos. El vinu, sicasi, ye escasu ya, cuandu lo consiguin, consumenlu’l puntu en festayus con los sos clanes. En ḷḷugar d’aceite usen manteca. Xintan sentaus en pegoyus feichus alrodiu de las paredes ya guardándose sitius d’alcuerdo con l’edä La comida sirvese en círculo ya mientres beben baḷḷan’l son de la flauta ya la trompeta en corru ya tamién bricando ya poniéndose en cucliḷḷas.

En Bastetania las muḷḷeres baḷḷan entemecidas con los omes garrandose de las manes. Tous visten en xeneral de prietu con sayus colas que tamién ḷḷucanse so camas de paḷḷa. Fusan vasos de maera como los celtas. Las muḷḷeres ḷḷeven sayus bordaus de flores. En ḷḷugar de moneda, los que moran nos rincones más aḷḷonaus valense del trueque de mercancías o dan ḷḷáminas de plata cortadas. Espeñen a los condenaos a la pena capital ya los parricidas lapidanyos fora de las fronteras o de los castrus. Casanse como los griegos. A los enfermos, como tal facían los exipcius n’antigüedad, sacanyos’l camin pa pedir conseyu sola so enfermedá aqueḷḷos que ya la pasaran.

Fusan barcos de cueru fasta l’época de Bruto, ya entovía son raros los feichus dun solu troncu d’árbol.

Las sos piedras de sal son acolorataes, anque machacás vuelvense blancas. Asína ye la vida de los montañeses, como dixe; refierome a los que tán asitiaus nel llau setentrional d’Iberia, los galaicos, astures ya cántabros fasta los vascones yal Pirineo, semeyanse’l xéneru de vida de tous eḷḷos.

Mela.

Dempués la tierra en toa so ḷḷargor vuelvese pal norte, dende’l cabo Céltico al Escítico. La so costa entera ye casi reuta fasta’l territoriu de los cántabros, a nun ser onde hay golfus ya cabus de pouca consideración. N’eḷḷa alcuentranse en primer llugar los ártabros, pueblos entovía célticos, a continuación los astures... Nel llitoral de los astures tá el llugar fortificau de Noega ya nuna península hay tres aras que ḷḷaman sestianas ya tán consagradas al nome d’Augusto, faciendo célebres rexiones enantes desconocias. Dende’l río que ḷḷaman Salia empicipian las costas pouco a pouco a retroceder…..

Pliniu

Ya la Tarraconense, arrimá’l Pirineo, extiendese per toa so lladera al mesmo tiempo que vase enanchando tresversal dende l’océanu Gálicu’l mar Ibérico; separanse de la Bética ya la Llusitania pel monte Solorio ya per las cordilleras Oretana ya Carpetana y las de los astures.

Agora la provincia na so totalidad dividese en siete conventos: cartaxiniense, tarraconense, cesaraugustano, cluniense, astur, lucerne ya bracarense.

Con eḷḷos (los cántabros) enlazanse los veintidós pueblos de los astures, dividios en augustanos ya tresmontanos con Astúrica, una gran ciudad. Ente eḷḷos tán los guigurros, pésicos, lancienses y zoelas. El númberu de toa la muchedumbre ḷḷega a 240.000 personas llibres.

La rexión de los astures, el llugar fortificao de Noega; na península, los pésicos ya llueu’l conventu llucense de seguio del ríu Navialbión…

El ríu Llimia, el Dueru, ríu de los más grandes d’Hispània, naciu na rexión de los pelendones, cuerre xunto a Numancia, llueu al tres de los arévacos ya vacceos ya dixebra los vettones de Asturià, de Llusitania a los galaicos, ya marca eḷḷí entovía los llímites ente los túrdulos ya los brácaros.

Agrippa punso que la Llusitania, comprendia ente Asturià ya Gallaecia, extiendese nun

ḷḷargor de 540.000 pasos ya nun anchor de 536.000.

Ptolomeo.

A l’Oriente d’éstos alcuentrase Asturià neḷḷa las siguientes ciudades:

Lucus Asturum Labernis

Interamnium Argenteola

Lanciati Maliaca

Gigia Bergidum Flavium

Interamnium Flavium

De los brigaecinos, Brigaecium De los bedunienses, Baedunia

De los orniacos, Intercatia De los lungones, Paelontium

De los saelinos, Nardinium De los superatios, Petavonium

De los arnacos, Astúrica Augusta De los tiburos, Nemetobriga

De los guigurros, Forum Gigurrorum

Dión Casio

Taban n’armas aún los tréveros qu’arrastraban a los celtas ya los cántabros, vacceos y astures estos pueblos foron sometios por Estatilio Tauro , aquéḷḷos por Novio Galo.

La campaña d’Augusto escontra las xentes de Britania, que nun querían avenise a yos acuerdos, detuvola’l llevantamiento de los sálasos ya la ruptura d’hostilidades de los cántabros y astures...

El mesmu Augusto guerreó escontra yos astures ya escontra yos cántabros a la vez, poro como nin se l’acercaban, metius nas sos riscadas fortificaciones, nin se le ponían a mano por ser inferiores en númberu ya por utilizar la mayoría armas arroxadizas y además causaban-i munchas dificultades al ponese en movimiento, cayendo solos romanos siempre dende posiciones dominantes, ya tendíanle emboscadas nos fonderus de los vaḷḷes ya nos llugares boscosos, vino alcontrarse nuna dificultad que nun podía res. A fuer de yos esfuerzos ya de las preocupaciones punsose a la muerte y retiróse a la Tarraconense pa reponese eḷḷí. Carisio Antistio continuó la llucha escontra eḷḷos ya reprimiólos por completo, non porque fuese meyor xeneral qu’Augusto, sinon porque teniéndoyo en menos los bárbaros salieron-i alcuentru de yos romanos al mesmu tiempu y fueron vencius. Así pudo tomar dalgunos de sos llugares ya más tarde Tito Carisio conquistó Lancia, la mayor aldea de los astures, que dexaranla abandonada , ya sometió otras munchas. Al acabar esta guerra Augusto licenció

a los soldados más veteranos ya decidió fundar pa eḷḷos una ciudad en Lusitania que se ḷḷamó Emerita Augusta..

Estu ye l’ocurrío na ciudad que merez la pena de caltener. Mientres, los cántabros y los astures, tan ceo como Augusto partió d’Iberia dexando como gobernador a L. Emilio, llevantaronse n’armas ya mandaron-i recau a Emilio enantes de que’l so plan ficiese manifiestu, dixeron-i que querían regalayos’l exército trigo ya dalgunas outras cousas ; gran númberu de soldados que ḷḷegaron pa facese cargu d’eḷḷo foron ḷḷevaos a un llugar a propósito y eḷḷí asesinados. Poro nun pudieron ale-

grase por muncho tiempo porque, arrasaronyos los campos ya quemaron-i dalgunos de sos llugares fortificados y, somanera, tras cortarllos las manos a toos los que cayían presos, foron reducios ceo.

Nel consulau de C. Augusto César per novena vez ya de C. Norbano, los astures y cántabros foron suxetaos por Lucio Lamia.

Mientres pasabanyos estas cosas en Roma, ya pel mesmu tiempu, los cántabros ya los astures volvieron ponese en pie de guerra, los Astures por la crueldad de Carisio ya los cántabros porque enteraronse qu’aquéḷḷos ḷḷevantaranse ya porque despreciaban’l so gobernador Cayo Furnio, por ser nuevou nel puestu ya por creyer que yera inexperto nos sos asuntos. Poro nun se mostró como tal nos fechos, tras vencellos dambos (tamién vienu en socorro de Carisio) reduxolos a l’esclavitud. De los cántabros nun foron presos munchos porque desesperando de so llibertad pa nada quedrian

so vida. Unos, tres prender fueu a los sos castrus, matabanse; outros, prefirieron quemase vivos; outros, d’alcuerdo, envenenabanse, de xuru que morrió la parte mayor ya más salvaxe d’ente eḷḷos. Pel outru llau, los astures, tan ceo como foron refugaos dun llugar fortificao qu’atopabanse asedian-

do ya, tres eḷḷo, vencios nel combate, ya nun continuaron la sublevación ya rápido sometieronse.

Orosio ya Floro (semeyanse enforma los textus)

Nel año 726 de la fundación de Roma nel consulau d’Augusto César por xesta vez ya de M. Agrippa por segunda vez, el César daba-i a la tiesta pensandu que pouca cousa sedría lo ḷḷevau a cabu n’Iberia mientres 200 años si dexabaa que los cántabros y’astures, pueblos d’Iberia enforma poderosos, ficieran fuso de las sos propias lleis, entós abrió las puertas del templo de Jano yal mesmo con su exército vieno a Iberia. Los cántabros y los astures tán na parte de la provincia de Gallaecia na que se extiende pal norte nuna prollongación de la cordiḷḷera pirenaica, de siguiu cercanu l’océanu.

Non solamente taban resueltos a defender la so propia llibertad sinon qu’incluso atrevíanse a quitayosla pela fuerza a los sos vecinos, los vacceos, turmogos y’autrigones a los que diban saquiar de cutio. Por eḷḷo Augusto llevantó sos campamentos xuntu a Sexisama, cubriendo con tres exércitos tou’l territorio de Cantabria.

Agotau l’exército per la ḷḷarga llucha conducia munches veces en devaneu ya con abondus pelligros mandóyos que l’armada averarase dende’l golfu d’Aquitania al tras de garralos desprevenius enemigos. Entos los cántabros xuntaronse baxo los muros d’Attica ya, vencios nuna gran bataḷḷa, fuxeron’l monte Vinnio, de natural inexpugnable, onde asitiaus pela fame finiquitaron por sucumbir casi tous.

Dempués lluchóse abondu ya per ḷḷargu tiempu escontra’l llugar fortificau de Racilium que foi tomau ya desfeiḷḷu. Amás, las outras partes de Gallaecia, ḷḷenas de montes ya bosques, que llimitan col océanu foron dominaes per los legaos Antistio y Firmio, dempués d’abondas ya duras guerras, asína, alrodiaron’l monte Medullio, a la veriquina del Miño (munchus hestoriadores averan la confusión que las fontes antiguas tenian col Miño ya col Sil), onde abellugaranse enforma xente barbara, mangaronyos un fosu de 15 millas, pa poneyos sitiu. Desta manera, cuando aqueḷḷa xente feroz ya salvaxe diose cuenta de que nun podía aguantayos l’alrodiu, nin taben n’igualdá de fuerzias pa caltener’l combate, llanzóse voluntariamente a la muerte por mieu l’esclavitú yal punto casi tous morrieron pel fueu, cola espada o col venenu del texu.

Pela so parte los astures, llevantaus los sos campamentos xuntu’l río Astura, hubieran abatiu a los romanos colos sos abondus proyeutos ya fuerzias si nun yos traicionaran ya descubieran . Dispuestus aprucir d’improvisu escontra los tres legaos que con las sos lexiones taban establecios en tres campamentos, dividios en tres exércitos asemeyaus n’efectivos, foron descubiertos pela traición de los sos. Dempués, garraos d’improvisu, foron derrotaos per Carisio, anque con enforma pérdidas pa los romanos.

Los que nun morrieron na batalla, abellugaronse en Lancia. Alrodiada la ciudad ya los soldados prestos a prende-i fueu, el xeneral Carisio pidió-i a los sos que nun la quemaran ya obligóyos a los bárbaros apurrise pela so propia voluntad. La razón yera que trataba con enfotu de cantenela íntegra y’incólume como testigu de la so vitoria…….

(P’editar……….)

Fontes l’internete